1.- DIAGNOSTIKOA

• Gipuzkoan gaur egun 68 zentral hidroelektriko daude abian. Produkzioaren datuei dagokienez 58 zentraletakoak jaso dira, horietatik bi azken urteetan itxi dira eta badirudi beste berri bat jarri dela funtzionatzen.
• Urtean batez beste 108 milioi kilowatt produzitzen dira, eta turbinetatik urtean 1.898 Hm3 ur pasatzen dira.
• Gipuzkoako produkzio hidroelektrikoa energia kontsumoaren % 4,1 da eta energia produkzioaren % 9,8.
• Produkzio hidroelektrikoaren % 50 9 zentraletan sortzen da eta beste % 50 gainontzeko 49 zentraletan. Horietako batzuek argi eta garbi defizitarioak izango lirateke, ez itzultzeko diru laguntzarik ez balute.
• Zentral horiek ingurumenean duten eragina oso garrantzitsua da; premiazkoa da, beraz, errentagarritasun txikia eta ingurumenean eragin handia duten zentral horiek funtzionatzen jarraitu behar duten edo ez hausnartzea.

2.- DEFIZIT ETA GABEZIA NAGUSIAK

• Errentagarritasunik ez duten instalazioetarako diru laguntzarik ez emateko politika baten premia ikusten da.
• Ibaia (ingurumeneko ekosistemaren gordailutzat hartuz) eta produkzio hidroelektrikoa bateragarri izateko neurriak hartu behar dira.
• Jarduera utzi duten edo itxi diren zentralak desmuntatu eta ingurunea berreskuratzeko espedienteei ekin behar zaie.
• Zentral guztietan mailak jarri eta ur emaria mantentzeko sistemak ipini behar dira, arrainak gora eta behera ibil daitezen.

Bidali zure iritzi eta iradokizunak